27.7.11 နေ့ လည် ၁၂နာရီမှာ တစ်စုံတစ်ယောက်ဟာ ငါးအူချောင်း ပုံး၂ပုံးကို ယူဆောင်ပြီး၊ အလှူခံလို့  ရထားတဲ့ အ၀တ်ထုတ်တွကို ကားပေါ်တင်ရင်း တနေရာကို ထွက်ခွာဖို့  ဟန်ပြင်နေပါတယ်။ သူ သွားတာကို လိုက်ချင်လို့  အားကျ ငေးမောနေတဲ့ ရုံးက သူငယ်ချင်း တွေကို လက်ပြရင်း သူ တက်ကြွစွာနဲ့  ရုံးမှ စတင် ထွက်ခွာလာခဲ့ပါတယ်။
တလက်စထဲမှာပဲ သွားခါနီး၊ လာခါနီးတိုင်း ဘယ်ကိစ္စကိုမဆို သွေးအေးအေးနဲ့  အေးအေးဆေးဆေး လုပ်တတ်တဲ့ သူ့ သူငယ်ချင်းလေးကိုလည်း စိတ်မချနိုင်စွာနဲ့  ကားမထွက်ခင် အချိန်မှီ ရောက်အောင်လာဖို့  ဖုန်းလှမ်းဆက်ရပါသေးတယ်။ နောက်ပြီး ထို သူငယ်ချင်းရဲ့အိမ် က မြို့ ထဲမှာမို့  သူ့ ရဲ့ အိမ်ကနေ စုပြီး လာကြမဲ့သူတွေ ရောက်ပြီလားလို့ လည်း မေးရပါသေးတယ်။ ဟုတ်တယ် လေ တော်ကြာ ကားမမှီ မှဖြင့်…….. အဲဒီ ၂ယောက်က ဘယ်သူတွေ ဖြစ်မယ် ထင်သလဲဟင်?
အဲဒီ ၂ယောက်ကတော့ ဘယ်နေရာသွားသွား အမြဲတမ်း အရင်ဆုံးရောက်ပြီး ဘယ်လုပ်လုပ် နောက် မကျအောင် လောဆော် အားထုတ်တတ်တဲ့ ကျွန်မဆိုတဲ့ မေဇူးနဲ့  ဘယ်သွားသွား ဘယ်ချိန်းချိန်း နောက်ကျ မှ ရောက်လာတတ်တဲ့ သွေးအေးအေးနဲ့  လှုပ်ရှားတတ်တဲ့ ဆရာသမား ကိုလင်းအောင်ပြည့်တို့ ပါပဲ။
ဒီနေ့ လည်း ခုချိန်မှာ ရေပြန်ကျသွားလို့  ရေမကြီးတော့ပေမဲ့ ဒုက္ခသည်တွေ ရှိနေဆဲ ဟင်္သာမြို့ လေးကို ကျွန်မတို့  MMG အဖွဲ့  နောက်တစ်ကြိမ် ထပ်သွားဖို့  ချိန်းထားကြတာပါ။ တကယ်တော့ ဒုတိယအကြိမ် သွားရင် ကျွန်မ ကိုယ်တိုင်လည်း လိုက်ချင်တာမို့  အလုပ်နဲ့  ချိန်ပြီး အားတဲ့ ရက်ကို အပြေးအလွှား သွား တာပါ။ ရုံးက တစ်ရက် ခွင့်ယူပြီးတော့ပေါ့။
တကယ်ဆို ဟင်္သာတ သွားတဲ့ ကားက ညနေ ၄နာရီခွဲအထိ ရှိပါတယ်။ ဒါပေမဲ့ ထုံးစံအတိုင်း ကျန်းမာရေး မကောင်းတဲ့ ကျွန်မကို ငဲ့ညှာသောအားဖြင့် Express ကားနဲ့  သွားကြတာပါ။ Express ကားက နေ့ လည် ၁နာရီခွဲမှာ ရှိတယ်ဆိုတာကြောင့် ဒီနေ့  နေ့  လည်ထဲက ကျွန်မ ရုံးက လစ်ရပါတော့တယ်။
သူတို့ အားလုံးနဲ့  ကျွန်မရုံးမှာ ဆုံဖို့ ချိန်းထားပေမဲ့ ငါးအူချောင်းပုံးတွေရော၊ အ၀တ်အထည်တွေရော၊ ကလေးတွေအတွက် ၀ယ်ထားတဲ့ မုန့် တွေရော Taxi တစ်စီးစာ မကတာကြောင့် ကျွန်မဘာသာ ရုံးကားနဲ့  သွားပြီး သူတို့ ကို မြို့ ထဲကနေ တိုက်ရိုက် ကားဂိတ်ကို လာကြဖို့  ပြောင်းချိန်းလိုက်ကြပါတယ်။
ကားလက်မှတ်ကလည်း မဖြတ်ရသေးတာကြောင့် နေ့ လည် ၁၂နာရီမှာ စထွက်ခဲ့ပါတယ်။ ကိုသစ်ကိုက ဒဂုံ-ဧရာကားဂိတ်ကို တန်းပြီး လာမှာပါ။ ဒီနေ့ သွားတဲ့ ခရီးစဉ်ဟာ ကမန်းကတန်း စီစဉ်တာဆိုပေမဲ့ လူအင်အား တောင့်တင်းပါတယ်။
ကျွန်မရယ်၊ ကိုမင်းသူရိန်(ကိုအလင်းစေတမန်)၊ ကိုလင်းအောင်ပြည့်၊ ကိုသစ်ကို၊ ကိုဗလကြီး (Crazy Bags)၊ ညီမငယ် သဲစုလှိုင် (Flower News သတင်းထောက်ချုပ်)၊ ကိုမင်းသူရိန်ရဲ့ သမီးငယ် ဆန်းမီ (အနာဂတ်ရဲ့ MMG အဖွဲ့ ဝင်လောင်းလေး) အားလုံးပေါင်း ၇ယောက်ပါ။
ကျွန်မ ဒဂုံ-ဧရာကားဂိတ်ကို ရောက်တော့ ဘယ်သူမှ မလာသေးပါဘူး။ ကားလက်မှတ်ဖြတ်၊ ပစ္စည်းတွေ အပ် ပြီးချိန်မှာ မြို့ ထဲက လာတဲ့အဖွဲ့ ကို ဖုန်းဆက်လိုက်တော့ ဘုရင့်နောင် လမ်းဆုံ ရောက်နေပြီ ဆိုတာကြာင့် အချိန်ကလည်း ခုမှ ၁နာရီပဲ ရှိသေးတာကြောင့် စိတ်အေးသွားပါတယ်။ နောက်ထပ် ၁၅မိနစ်လောက် ကြာတော့ ကျွန်မရဲ့ အဖွဲ့ သားများ အသီးသီး ရောက်ရှိလာကြပါ တယ်။
ဒီလိုနဲ့  ကျွန်မတို့ အဖွဲ့ သားတွေ နေ့ လည် ၁နာရီခွဲမှာ ရန်ကုန်မြို့ က စတင် ထွက်ခွာလာခဲ့ပါတယ်။ လူတွေ များတော့ ပျော်စရာပါပဲ။ အမှန်အတိုင်း ပြောရရင် ဒီရက်ပိုင်းမှာ ကျွန်မ စိတ် တအားညစ်နေတာပါ။ အလုပ် ကိစ္စတွေရော၊ ကိုယ်ရေး ကိုယ်တာတွေ ဘာမှန်းမသိ ညစ်ညူးနေတာမို့ ခုလို ခရီးထွက်လိုက်ရချိန်မှာ စိတ်က ပြေလျော့ လန်းဆန်းသွားတာတော့ အမှန်ပါပဲ။
ကားပေါ်မှာ အားလုံး စကြ နောက်ကြရင်းနဲ့  လိုက်ပါလာကြတာလေ။ ဒီလိုနဲ့  ဓနုဖြူမှာ ကားက ခဏ ရပ်ပါတယ်။ အဲဒီမှာ အကြော် တစ်ခုကို ၁၀ကျပ်ပဲ ပေးရတာမို့  အားလုံးက သဘောကျပြီး ၀မ်းသာအားရ စားကြသလို မှတ်တမ်းဓာတ်ပုံလေးတောင် ရိုက်ထားသေး။
တလမ်းလုံး နေသာလာတာ ဇလွန်လည်း ရောက်ရော မိုးတွေ စရွာပါလေရော။ ဟင်္သာတကို ကျွန်မ တို့ ရောက်ချိန်မှာတော့ မိုးက အင်တိုက် အားတိုက်ကို ရွာနေတာပါ။ ညနေ ၆နာရီလောက်မှာ ဟင်္သာတ ကို ရောက်ပါတယ်။
ဒီလိုနဲ့ ကျွန်မတို့  တည်းခိုမဲ့ တက္ကသိုလ်နားက ဘီ၃လုံး အဆောင်ရှိရာ အန်တီတူးတို့  အိမ်ကို ရောက်ချိန်မှာ မိုးက အသားကုန် ရွာ နေတာပါ။ ဒါကြောင့် မိုးထဲမှာပဲ ပစ္စည်းတွေ ချရင်း စိုရွှဲကုန်ကြပါတယ်။ အဆောင်ရှေ့  က ဆိုင်ခန်းလေးမှာ ပစ္စည်းလေးတွေ (ပထမ အကြိမ်က ထမင်းထုတ်တွေ ဝေတဲ့ ယာယီတဲနန်းလေးမှာ) ချရင်း နောက်နေ့  ဘယ်မှာ ကျွေးလို့ ရမယ်။ ဘယ်ကို လိုက်ကျွေးရ မယ်ဆိုတာကို ဟင်္သာတ ဒေသခံ MMG အဖွဲ့ ဝင်တွေနဲ့  ကိုလင်းအောင်ပြည့်က မေးမြန်း စီစဉ်နေပါတယ်။
ဟင်္သာတမှာ တစ်ခု ထူးခြားတာက ကျောင်းမနေနိုင်တဲ့ ကလေးတွေကို ကျောင်းနေနိုင်အောင် ထောက်ပံ့ပြီး စာသင်ပေးနေတဲ့ Unicef အဖွဲ့ လေး ရှိပါတယ်။ အဲဒီအဖွဲ့ က ကလေးတွေကို ညနေ ၄နာရီကနေ ၆နာရီအထိ စာသင်ပေးတာပါ။ ကျွန်မတို့ တွေ စကား ထိုင်ပြောနေချိန်မှာ ဒီကလေးတွေက ကျောင်းဆင်းပြီး ပြန်လာ တာကို တွေ့ တာကြောင့် ကျွန်မက မုန့် ဝေချင်တယ်။ ခဏ တားထားပေးလို့  ပြောပြီး အိမ်ထဲ မုန့် ဘူး ပြေးယူ ချိန်မှာ ကျွန်မတို့ ရဲ့ ကင်မရာမန်းကြီးကလည်း ကင်မရာ ပြေးယူတာနဲ့  ဆုံပါတယ်။
ဒါနဲ့ ပဲ ကျောင်းဆင်းလာတဲ့ ကလေးတွေကို ကျွန်မ ၀ယ်လာတဲ့ လော်လီပေါ့ သကြားလုံး လေးတွေ ဝေ ပး ဖြစ် ခဲ့ပါတယ်။ မိုးတွေ စိုရွှဲနေတဲ့ ကလေးတွေကို မုန့် ဝေအပြီးမှာ သူတို့ ရဲ့ ဆရာမ ရောက်လာတာကြောင့် သတင်းထောက် ညီမငယ် သဲစုလှိုင်က အင်တာဗျူး ပါတယ်။ ကျွန်မတို့ မှာ MMG ဗလာစာအုပ်တွေလည်း ပါလာတာကြောင့် နောက်နေ့ မှာ ကလေးတွေကို ဝေချင်ရင် ဝေလို့ ရပါတယ်။
ကျွန်မတို့  ခရီးစဉ်မှာ မူလအစီအစဉ်က မနက်ဖြန်မှာ မနက်ပိုင်း အလှူလုပ်ပြီး ညနေပိုင်း ကားစီးပြန်ဖို့ ပါ။ ဒါပေမဲ့ အားလုံးက အချိန်လည်း ပိုရအောင် အေးအေးဆေးဆေးလည်း နေရအောင် နောက်တစ်ရက် မနက် ၃နာရီကားနဲ့ မှ ထပြန်ပါလားလို့  ပြောကြပါတယ်။ ဒါဆိုရင်လည်း ရုံးပြန်တက် မှီပါတယ် ဆိုတာကြောင့် ဒီလိုပဲ လုပ်ဖို့  ဆုံးဖြတ်လိုက်ကြပါတယ်။
ကလေးတွေကို မုန့် ဝေပြီေးတာ့ ရေမိုးချိုးပြီး ဘေးအိမ်က ကိုလင်းအောင်ပြည့်ရဲ့ သူငယ်ချင်းအိမ်မှာ ထမင်း သွားစားကြပါတယ်။ ဗိုက်ဆာဆာနဲ့  စားကောင်းကြတာ အမှန်ပါပဲ။ ထမင်းစားပြီးတော့ ဆိုင်ကယ်တွေ ရှာပြီး မြို့ ထဲကို သွားကြပါတယ်။ နောက်နေ့ ဝေမဲ့ ရပ်ကွက်တွေရဲ့ အခြေအနေကို စုံစမ်းဖို့ ရယ်၊ ဘုရားဖူးပြီး လဘက်ရည် သောက်ရအောင်ရယ်ဆိုပြီး သွားကြတာပါ။
ကိုလင်းအောင်ပြည့်နဲ့  ကျွန်မက ဆိုင်ကယ်တစ်စီး၊ သဲစုတို့ ၊ ကိုသစ်တို့  ကိုသူရိန်တို့  ကိုဗလကြီးတို့ က ဟင်္သာတက မြို့ ခံ သူငယ်ချင်းတွေရဲ့ ဆိုင်ကယ် နောက်မှာ အသီးသီး ပါသွားကြပါတယ်။ ကျွန်မတို့ ကို မြို့ ထဲမှာ ပတ်ပြပြီး ပြည်လုံးကပ်ကျော် ဦးပါရဲ စေတီတော်ကို လိုက်ပို့ ပါတယ်။
သွားလေရာမှာ အရာရာနဲ့  အကြောင်းကြောင်းဆိုတဲ့အတိုင်းပဲ ကျွန်မတို့  ဆိုင်ကယ်က လမ်းမှာ ဘီးပေါက် နေတာကြောင့် ဘုရားကို ရောက်အောင် မနည်း ထိန်းမောင်း လာရပါတယ်။ ဒီရောက်တော့ သဲစုတို့  စီးလာတဲ့ ဆိုင်ကယ်ကလည်း ဘီးပေါက်လာတယ် ဆိုတာကြောင့် ကျွန်မတို့ ကို ဘုရားရှေ့ က လဘက်ရည်ဆိုင်မှာ ထားပြီး ဆိုင်ကယ် ဘီးသွားဖာကြပါတယ်။
ညမှောင် နေတာကြောင့် ဘုရားဘေးက တာပေါင်ပေါ်ကို မရောက်ခဲ့ပါဘူး။ လှမ်းကြည့်လို့ လည်း ဘာမှ မမြင် ရတာကြောင့် ဘုရား ထဲမှာ တပတ်ပတ် ဓာတ်ပုံရိုက်ပြီး လဘက်ရည် ပြန်ထိုင်ကြပါတယ်။ လဘက်ရည် ဆိုင်မှာ မနက်ဖြန် သွားကျွေးဖို့  တိုင်ပင် ပြောဆိုကြပါတယ်။ ဒေသခံ ဌာနဆိုင်ရာ လူကြီးအချို့ လည်း ရှိနေတာ ကြောင့် မနက်ဖြန် ဘယ်နေရမှာ ကျွေးမယ် ဘယ်လို ကျွေးမယ်ဆိုတာ တိုင်ပင်ကြပါတယ်။
ပြီးတော့ ညချမ်းအေးအေးလေးမှာ ဆိုင်ကယ်စီးပြီး အိမ်ပြန်ကြပါတယ်။ ဒီအချိန်မှာပဲ တိုက်တိုက် ဆိုင်ဆိုင် ကျွန်မတို့ စီးလာတဲ့ ဆိုင်ကယ်က နောက်တစ်ကြိမ် လမ်းမှာ ဘီးပေါက်ပြန်သောအခါ…………..
0 comments:
Post a Comment