လက်ဆောင်လို့  စဉ်းစားလိုက်ချိန်မှာ တကယ်တမ်းကျ ကျွန်မက ဒီဇိုင်းလည်း မဆွဲတတ်ဘူး။ ဒီဇိုင်နာတွေလို လှလှပပလေးလည်း ရုပ်လုံး မဖော်တတ်ဘူး။ ကိုယ်လုပ်ချင်တာလေးက အမှတ်တရ ဖြစ်ရင် ပြီးတာပဲဆိုတဲ့ စိတ်ကူးလေးနဲ့  စဉ်းစားခဲ့တာပါ။
ဒါကြောင့်ပဲ ဖန်ခွက်အဖြူရောင်လေးရဲ့ တဘက်ခြမ်းမှာ “နာဂစ်” အထိမ်းအမှတ် ကဗျာပြိုင်ပွဲ အမှတ်တရ လက်ဆောင် ဆိုပြီး စာလေးရေး အောက်မှာ ကျွန်မရဲ့ လိုဂိုပုံလေး ထည့်ပြီး လုပ်လိုက်ပါတယ်။ နောက်တခြမ်း မှာတော့ ဆုရတဲ့ ကဗျာနာမည်ရယ်၊ ဆုအမျိုးအစားရယ်၊ ဆုရသူအမည်ရယ်ကို ရိုးရိုး ရှင်းရှင်းလေးပဲ ရေးပြီး Print လိုက်တာပါ။
ထို့ အတူပဲ “အွန်လိုင်း ရွှေဝတ္ထုတို ပြိုင်ပွဲ” ဆုရတဲ့ ကိုသတိုးကိုလည်း အတူတူပဲ ပြုလုပ်ပေးခဲ့ပါတယ်။ ဒါကို Café 35 မှာ ဆုပေးပွဲလုပ်မဲ့ အချိန်ကျမှ သူတို့ အားလုံးကို ပြတာပါ။ ရတဲ့သူတွေလည်း နှစ်သက်ကြမယ် ထင်ပါတယ်နော်။
လူစုံချိန်မှာ ဆုပေးပွဲလေး စတင်ခဲ့ပါတယ်။ ကဗျာဆုရရှိသူတွေအတွက် ညီမငယ် မြတ်မွန် တာဝန်ချီးမြှင့်ပေး တဲ့ ဆုငွေရယ်၊ ကိုလင်းအောင်ပြည့် ဒီဇိုင်းပြုလုပ်ထားတဲ့ ဆုတံဆိပ်လက်မှတ်ရယ်၊ ကျွန်မရဲ့ အမှတ်တရ လက်ဆောင် ကော်ဖီခွက် ဖြူဖြူလေးရယ် အားလုံး ၃မျိုးပါ။ (ဆုရရှိသူများ အားလုံးက သူတို့ ရဲ့ ဆုငွေကို MMG က စီစဉ်နေတဲ့ ကျောင်းဖွင့်ချိန်မှာ ပရဟိတကျောင်းက ကလေးတွေကို ဝေဖို့  ဗလာစာအုပ်ထုတ်မဲ့ အလှူအတွက် ပြန်လှူလိုက်ကြပါတယ်။ အဲဒီအတွက်လည်း ကျေးဇူးပါ အကိုတို့ ရေ။)
ကိုသတိုးအတွက်ကတော့ ကိုလင်းအောင်ပြည့် အထူးစီးမံ ပြုလုပ်ထားတဲ့ ဆုတံဆိပ် ဖလားလေးပါ။ ဒါပေမဲ့ ကိုသတိုး သနားပါတယ်။ သူ့ ရဲ့ ဖလားကို ယမကာ လုလင်များအဖွဲ့ က ဖြုတ်ယူမယ် တကဲကဲ လုပ်နေလို့  သူ့ ခမျာ မနည်းကို ထိန်းသိမ်းနေရရှာပါတယ်။
အွန်လိုင်းရွှေဝတ္ထုဆုရတဲ့ ကိုသတိုးကို ကျွန်မက ဆုပေးပေးသလို ကဗျာပထဆုရတဲ့ ကိုကြည်နိုင်ကို ကိုလင်းအောင်ပြည့်မှ၎င်း၊ ဒုတိယဆုရတဲ့ ကိုသစ်ကိုကို ကိုသတိုးမှ၎င်း၊ တတိယဆုရ ကိုစိုးပိုင်ဦးကို ဆရာ ဦးငြိမ်းစိုးဦးမှ၎င်း၊ အသီးသီး ဆုချီးမြှင့်ပေးကြပါတယ်။
ဆုပေးပွဲပြီးချိန်မှာ ဆရာ ဦးငြိမ်းစိုးဦးက MMG ကိစ္စ၊ မာတီကိစ္စ၊ ကဗျာကိစ္စ၊ အနုပညာကိစ္စ၊ အခြား လူမှုရေး ပရဟိကိစ္စတွေကို ဘာမဆို တက်တက်ကြွကြွ တိုင်တိုင် ပင်ပင်နဲ့  စုစုစည်းစည်း လုပ်ကြဖို့  ပြောပါတယ်။ ကျွန်မတို့  MMG အဖွဲ့ အခုလို လာတာကိုလည်း ဆရာက ၀မ်းသာကြောင်း ပြောကြားပါတယ်။
ဆုပေးပွဲပြီးတော့ နေပြည်တော် လဘက်ရည်ဆိုင်ကို တခါပြန်သွားပြီး လဘက်ရည် သောက်ရင်း စကားတွ ပြောကြ ပြန်ပါတယ်။ ကိုလင်းအောင်ပြည့် တစ်ယောက်ကတော့ ရန်ကုန်ထက် Conncetion ပိုကောင်းတဲ့ ကျုံတိုင်းမှာ ဓာတ်ပုံ တွေ ပြေးတင်ဖို့  စဉ်းစားပေမဲ့ မအောင်မြင်ပါဘူး။ ဒါကြောင့် ကိုကြည်နိုင်တို့ ပဲ အဆင်ပြေရင် တင်ပေးပါတော့လို့  အပ်ခဲ့ရပါတော့တယ်။
ကျွန်မတို့ ကို ညစာ အတင်းကျွေးနေလို့  မစားပါရစေနဲ့ တော့ ပြန်တောင် တောင်းပန် ယူရပါတယ်။ တနေ ကုန် စားထားသောက်ထားတာ မနည်းတော့ဘူးလေ။ လဘက်ရည်ဆိုင်လေးကနေ ခဏလေး ပြန်ပြီး ပျိုးခင်းသစ်မှာ အထုတ်အပိုးတွေ ၀င်ယူပြီး Café 35 မှာ ကားမစီးရခင် အချိန်အထိ ထိုင်ပြီး စကားပြောဖြစ် ခဲ့ကြပါတယ်။ ည၇နာရီ ကားထွက် တော့ အားလုံးက လက်ပြကျန်ရစ်ခဲ့ပြီး ကျွန်မတို့  ၃ယောက်ထဲ ပြန်လာ ရတာ စိတ်တောင် မကောင်းပါဘူး။ (နောင်ကိုလည်း ကျုံတိုင်းက လူတွေ လာလည်တာကို ရန်ကုန်က ကျွန်မတို့ တွေ လက်ပြ နှုတ်ဆက်ခွင့် ရချင်ပါသေးတယ်နော်)
ဘာပဲဖြစ်ဖြစ် ဆုပေးပွဲလေးက မြိုင်မြိုင်ဆိုင်ဆိုင်နဲ့  အောင်အောင်မြင်မြင် ပြီးဆုံးသွားခဲ့ပါပြီ။ ဆုပေးပွဲကို အကြောင်း ပြုလို့  ကျုံတိုင်းနဲ့  ကျွန်မတို့  MMG အဖွဲ့ လေးလည်း ပိုမို ရင်းနှီး နွေးထွေး သွားခဲ့ပါပြီ။ ကျွန်မ တို့ ကို လိုလေသေးမရှိ ဧည့်ခံ လိုက်ပို့  ကျွေးမွေး ပြုစုရုံသာမက အပြန်လက်ဆောင် ပုဇွန်ခြောက်တွေ၊ လပွတ္တာရဲ့ နာမည်ကြီး ထမနဲတွေပါ လက်ဆောင် ထည့်ပေးလိုက်တာ ကျေးဇူးအထူးပါနော်။
အမတို့ ကို လက်သုတ်ဖို့  တစ်ရှုးတောင် အိတ်ထဲက မထုတ်စေရဘူး၊ အားလုံး အဆင်သင့် ယူပေးမယ် လို့  ပြောခဲ့တဲ့ ကိုဇင်မင်းထွန်း (ကိုဇင်မင်းထွန်းလို့ ခေါ်လို့ ငရဲကြီးမှာ မကြောက်နဲ့  လေးစားသမှုနဲ့ ခေါ် တာ)၊ ထမင်းဖိတ်ကျွေးတဲ့ ဆရာ ဦးငြိမ်းစိုးဦးနဲ့  ဆရာကတော်၊ အမေ နေမကောင်းတဲ့ကြားက ကျွန်မတို့  ရှိရာကို အပြေးအလွှား ပြန်လာပေးတဲ့ ကိုသတိုး၊ သွားလေရာကို ဆိုင်ကယ်နဲ့  လိုက်ပို့ ပြီး စားချင်တာ တွေ အကုန်လိုက်ကျွေး၊ လက်ဆောင်များ ၀ယ်ခြမ်းပေးသော ကိုကြည်နိုင်နှင့် ကျုံတိုင်းရွာသား အကိုတော် များနှင့် မောင်ငယ်များ၊ ကျွန်မတို့  ဆုပေးပွဲကို သူ့ ရဲ့ နေရာမှာ ကျင်းပခွင့် ပြုရုံသာမက ကျွန်မတို့ သွားရာ တကောက်ကောက်ာ လိုက်ပါပို့ ဆောင်ပေးတဲ့ Cafe 35 က ကိုထွန်းထွန်းသူ၊ ဓာတ်ပုံအတူတွဲရိုက်ပါရက်နဲ့  ကိုယ်လုံးသေးလို့  နာမည် စာတန်းထိုးရာမှာ ကျန်ရစ်ခဲ့သော ကိုမိုးမြင့်သီဟတို့ အား အထူးပင် ကျေးဇူးတင် ရှိပါကြောင်း.............
ထို့ အတူ ကျွန်မတို့  ကျင်းပသော ကဗျာပြိုင်ပွဲအတွက် ချီးမြှင့်ရန် ဆုတာဝန် ယူပေးသော အဝေးရောက် ညီမငယ်မြတ်မွန်၊ ရောက်လေရာဒေသတွေ အလှူလုပ်ချင်သော ကျွန်မတို့ ဆန္ဒနှင့် တိုက်ဆိုင်စွာ စေတနာ ထက်သန်စွာဖြင့် လပွတ္တာက ပရဟိတကျောင်းလေး တွင် စာအုပ်များ၊ ခဲတံများ လှူဒါန်းသော ညီမငယ် သော်တာနှင့် အခြား ကျေးဇူးတင်ထိုက်သောသူများအား ကျေးဇူး အထူးတင်ရှိပါကြောင်း........... ...........
နောင်ကိုလည်း ကျွန်မတို့  ပြုလုပ်ဆင်နွှဲသောပွဲတိုင်းတွင် ကျွန်မတို့ နှင့်အတူ လက်တွဲ လှုပ်ရှားနိုင်ပါစေလို့  ဆုတောင်းရင်း ကျုံတိုင်းခရီးစဉ်လေးကို အဆုံးသတ်ပါတယ်နော်။
ကျွန်မရဲ့ ပို့ စ်လေးကို ဖတ်ပေးကြသောသူများ အားလုံးလည်း ပျော်ရွှင် ချမ်းမြေ့ အနာကင်းကြပါစေ။
Subscribe to:
Post Comments (Atom)
0 comments:
Post a Comment