စနေမိုးက အညှိုးကြီးလှသည်။ ညနေ ၃နာရီလောက်ထဲက မနားတမ်း ရွာနေခဲ့တာ ခုချိန်ထိ မရပ်တန့် သေး။ ညနေ ၅နာရီ… မိုးရွာသွန်းနှုန်းက ပိုမို ပြင်းထန်လာခဲ့သည်။ အင်း ဒီလိုဆိုရင် ည၈နာရီ မန္တလေးသို့  ထွက်ခွာမည့် E Lite ကားကို မှီဖို့ ဆိုလျှင် ညနေ ၆နာရီကျော်လောက်ထဲက အောင်မင်္ဂလာ အဝေးပြေးကို သွားမှ တော်ကြာကျလိမ့်မည်။
မြို့ ထဲမှာရော မြောက်ဥက္ကလာမှာပါ ရေတွေကြီးနေသည်ဟု သိရသည်။ ဒါကြောင့် မြို့ ထဲက အုပ်စုနှင့် ပေါင်းကာ အဝေးပြေးကား ဂိတ်သွားမှ ဖြစ်လိမ့်မည်။ မဟုတ်ရင် အမြဲတမ်း စိတ်အေး လက်အေးနှင့် နောက်ကျမှ ထွက်တတ်သော ဆရာကိုလင်းအောင်ပြည့်တို့ အဖွဲ့  မရောက်လာမချင်း အဝေးပြေးဂိတ်မှာ ကျွန်မတစ်ယောက်ထဲ စိတ်မဖြောင့် လက်မဖြောင့် နောက်ဆံတင်းရမည်။ ဒီတော့ သူတို့ ဆီသွားပြီး ကားအတူစီးတာ ပိုအဆင်ပြေလိမ့်မည်။
မောင်ငယ် မြိတ်သားက မြောက်ဥက္ကလာမှာနေတော့ ကားဂိတ် တန်းလာမှာမို့  စိတ်ပူစရာမလိုပေ။ ညီမ ငယ်နန်း (စာရေး ဆရာမ နန်းအသင်္ခယာ) ကလည်း ကားဂိတ်ကို ပြောသည့်အချိန် ရောက်မှာ မို့  ပြသနာ မရှိ။ စိတ်ပူရတာက အိမ်စာချုပ် ချုပ်မှာမို့  နောက်ကျမည် ပြောထားသော ကိုမင်းသူရိန်နှင့် မြို့ ထဲက ကိုလင်းအောင်ပြည့်တို့  ကိုလင်းထက်တို့  အုပ်စု။ ကံမမှာရေဘေး သွားလှူကြတော့လည်း သူတို့  ၂ယောက် ရောက်မလာလို့  ကျွန်မမှာ ကားကို မထွက်အောင် မနည်းတောင်းပန်ပြီး စောင့်ခိုင်းရဖူးသည့် ဥပမာကလည်း ရှိနှင့်သည်လေ။
ဒါကြောင့် မြို့ ထဲကိုသွား၊ အလှူပစ္စည်းတွေ စုထည့်၊ သူတို့ ကို လောဆော်ပြီး ကားဂိတ်ထွက်တော့ ညနေ ၆နာရီခွဲ။ မိုးက လုံးဝကို မရပ်နားသေး။ မှာထားသော ကားသမားက အသိမို့ သာ တော်တော့သည်။ မိုးအရမ်းကြီးနေသော ဒီလို ညနေခင်းမျိုး တွင် အောင်မင်္ဂလာအဝေးပြေးဝင်းကို တော်ရုံကား ဒီအချိန် မလိုက်တော့။
ဒီနေ့ သွားဖြစ်သော ခရီးစဉ်အကြောင်း အလှူအကြောင်း ပြောရလျှင် လုံးဝ အစီအစဉ် မရှိပဲ ထထွက်တာ ဟုပင် ပြောရမည် ထင်သည်။ မန္တလေးတိုင်း ပုသိမ်ကြီးမြို့ နယ် မစိုးရိမ် ရေထွက် ပရဟိတ ဘုန်းတော်ကြီး သင်ပညာရေးကျောင်းလေးကို ဟိုးအရင်နှစ်ထဲကပင် ကိုလင်းအောင်ပြည့်ဆီမှ တဆင့် ကျွန်မတို့  သိခဲ့ရ သည်။
ရန်ကင်းတောင်ခြေတွင် ရှိကာ ကျောင်းလေးမှာ အဆောက်အဦးပင် ပီပီပြင်ပြင် မရှိရှာပေ။ ဓနိမိုး အရိပ်လေးအောက်မှာ ဘေးအကာပင် မရှိပဲ စာသင်ရသော ကျောင်းသားတို့ ၏ ဘ၀က သနား စရာကောင်းလှသည်။. ထိုအချိန်ကတော့ ကျောင်းသားက ၄၀ကျော် ၅၀ပင် မရှိတတ်သေး။
ဒီကျောင်းလေးကို ကျွန်မကိုယ်တိုင် မလိုက်လာဘူးပေမဲ့ MC အဖွဲ့ မှ မမာလာက သူတို့  လာချိန် မှာ ကျောင်းသားလေးတွေကို ဘာလိုချင်လဲ မေးမြန်းကြည့်ရာ သူတို့  ပုံဆွဲစာအုပ်လေးတွေ လိုချင် တယ်ဟု ပြောဖူးသည်ဆိုတာကြောင့် ကိုလင်းအောင်ပြည့်တို့  ဆီမှတဆင့် ကျောင်းသားလေးများအတွက် ပုံဆွဲစာအုပ်၊ ရောင်စုံခဲတံ၊ ချွန်စက်လေးများကို အိတ်လေးနှင့် ထည့်ကာ ကျွန်မ လှူခဲ့ဖူးသည်။
တချိန်ချိန်တွင် ဒီကျောင်းလေးကို ကျွန်မတို့  ထပ်မံသွားလှူကြမည်ဟုလည်း ရည်ရွယ်ခဲ့ကြသည်။ ဒါပေမဲ့ နီးစပ်ရာ အရေးပေါ် အခြေအနေများမှာ ၀င်ရောက် ကူညီရင်း ဒီကျောင်းလေးဘက်ကို ခြေဦးမလှည့်နိုင်ခဲ့။
ကျောင်းဖွင့်ခါနီး တပတ်လောက်အလိုမှာ ကိုလင်းအောင်ပြည့်က သူ့ ဆီကို မစိုးရိမ်ကျောင်းတိုက်မှ ဆရာတော် ဖုန်းဆက်လာသည်ဟု ဆိုသည်။ ယခုနှစ် ကျောင်းဖွင့်ချိန်တွင် ကျောင်းသူ ကျောင်းသား ၁၅၀နီးပါးခန့်  ဖြစ်လာသောကြောင့် ဆရာတော့်အနေ နှင့် စားရေး၊ နေရေးနှင့် ပညာသင်ကြားရေးအတွက် အခက်အခဲ ရှိသောကြောင့် အလှူရှင်များ လိုအပ်လာသည်။
ကျောင်းလေးအတွက် လိုအပ်သော စာရေးကရိယာများ၊ အလှူငွေများ လှူဒါန်းနိုင်ရန် ရည်ရွယ်ပြီး ကျွန်မတို့ တွေ ဓာတ်ပုံလည်း ရိုက်ရင်း၊ ကျောင်းအခြေအနေလေးလည်း အသေးစိတ်မေးမြန်းပြီး အွန်လိုင်း ပြန်တင်ကာ အလှုခံပေးနိုင်ရန် ရည်ရွယ်၍ ကျွန်မတို့  Admin ၃ယောက်ထဲသာ သွားမည်။
မှတ်တမ်းဓာတ်ပုံ သွားရိုက်ရင်းနဲ့  စာရေးကရိယာအချို့ နှင့် ၀တ္ထုငွေ စုပြီး တတ်နိုင်သမျှလေး လှူဒါန်း ခဲ့မည်ဟု ကြံရွယ်ခဲ့သည်။ မန္တလေးသွားမည်ဆိုတော့လည်း မန္တလေးက MMG အဖွဲ့ သားများ ကို မေ့ထားလို့  မရပေ။
ဒါကြောင့်ပဲ တိုင်းရင်းဆေးဆရာကြီး ကိုမင်းမင်းဇော်၊ တရားစာများ အရေးအသားကောင်းသော ညီမငယ် Dimplemit အမြဲတမ်း Guest Book မှာ လေလာလာတက်တတ်သော ကိုဇာနည်ဌေး (ဂေ့)၊ MMG မောင်နှမတွေ အားလုံးစုပြီး ပုဂံဘုရားဖူးသွားရအောင်လို့  ခေါ်တတ်တဲ့ မောင်ငယ်စိုးမိုး၊ မာတီမသုံး၊ MMG Member မဟုတ်ပေမဲ့ MMG အလှူလုပ်တိုင်း လှမ်းပြီး အလှူငွေ ပို့ ပေးတတ်တဲ့ ကိုသစ်ကိုရဲ့ သူငယ်ချင်း ညီမငယ် အေးမြသူ၊ Facebook မှတဆင့် ခင်တာ ဘယ်လောက်မှ မကြာသေးပေမဲ့ ရင်းရင်းနှီးနှီး ဖြစ်ခဲ့ရတဲ့ မြတ်မွန်ရဲ့ သူငယ်ချင်း ညီမငယ်ဆုပြည့်တို့ ကို ကျွန်မတို့  လာမဲ့အကြောင်းနှင့် ပုသိမ်ကြီးက ဘကကျောင်းလေးကို သွားမဲ့ အကြောင်း လှမ်းပြောတော့ အားလုံးက တက်တက်ကြွကြွနဲ့  "လိုက်မယ်အမ၊ လှူမယ် အမ" ဆိုတာကြောင့် အတော့်ကို ကျေနပ်ခဲ့ ရပါတယ်။
နောက်ပြီး သွားဖို့ ရက်ရွေးကြတော့လည်း ကျွန်မက လိုက်ချင်တာကြောင့် ကျွန်မ လိုက်နိုင်မဲ့ ခွင့်ယူစရာ မလိုတဲ့ စနေနေ့ ညသွား တနင်္ဂနွေနေ့ ည ပြန် အစီအစဉ်ကို အားလုံးက ပင်ပန်းမယ်မှန်း သိကြပေမဲ့ ကျွန်မကို လိုက်စေချင်ကြတာကြောင့် မညည်းမညူ သဘောတူကြတဲ့ ကျွန်မရဲ့ အဖွဲ့ ဝင်တွေ ကိုလည်း ကျေးဇူးတင်ကြောင်း ဒီစာမျက်နှာကတဆင့် ပြောကြားလိုပါတယ်။
ပို့ စ်သီးသန့် တင် အလှူခံတာမျိုး မလုပ်တော့ပဲ Facebook မှာ ကိုလင်းအောင်ပြည့် တင်ထားတဲ့ ပုံလေးတွေကို ပြန် Share လုပ်ရင်း စိတ်ဝင်စားရင် လှူဒါန်းနိုင်ပါတယ်လို့  တိုက်တွန်းခဲ့ပါတယ်။ ဆက်သွယ်လှူဒါန်းပေးကျတဲ့သူများကိုလည်း ကျေးဇူးတင်ပါတယ်။ ကျွန်မတို့ ပုံလေးကို ကြည့်ပြီး စာရေးကရိယာတွေ လှူဒါန်းပေးခဲ့တဲ့ အန်တီမီးမီးကိုလည်း ကျေးဇူးတင်ကြောင်း ပြောကြားလိုပါတယ်။
သွားမဲ့အတူတူတော့ ကျွန်မတို့ ချည်းပဲ မဟုတ်ပဲ တခြားဘယ်သူတွေ အတူလိုက်ကြအုံးမလဲလို့ လည်း ဖုန်းဆက် စည်းရုံးခဲ့ပါသေးတယ်။
ဟိုမမ မပါဘူးလားလို့  အမြဲမေးတတ်တဲ့ ဦးတိုး စိတ်ကျေနပ်အောင်လည်း မမချို လိုက်ခဲ့အုံးလို့  ခေါ် ပါသေးတယ်။ စီးပွားရေး အလွန်သောင်းကျန်းသော ထိုမမက အလှူငွေသာ လာပို့ သွားပါတယ်။ မရင်သွေးဦးကလည်း လိုက်မယ်ဆိုပြီးခါမှ လက်မှတ်ယူခါနီးမှ အလုပ်မအားတော့လို့ ဆိုပြီး ကပ်ဖြုတ် သွားပါတယ်။ ကိုညီကလည်း လိုက်ချင်တယ်။ မလိုက်နိုင်တာကြောင့် အလှူငွေပဲ ထည့်ခဲ့ပေးပါတဲ့။
ဒီလိုနဲ့  ဟိုဖုန်းဆက် ဒီလှမ်း ချိန်းပြီးသကာလမှာ လိုက်ဖြစ်တာက ကိုသူရိန်၊ ကျွန်မ၊ ကိုလင်းအောင်ပြည့်၊ လင်းထက်၊ နန်းအသင်္ခယာ၊ ဆင့်ဆင့်သူ၊ မြိတ်ကြီး အားလုံးပေါင်း ၇ယောက်ပါ။ စနေနေ့  မနက်မှာမှ စိုင်းခွန်နော်ကလည်း လိုက်ချင်တယ်ဆိုတာကြောင့် လက်မှတ်ထပ်ဝယ်ပေမဲ့ သူကတော့ ကျွန်မတို့ နဲ့  ကားတစီးထဲ အတူ မရတော့ပဲ ည ၉နာရီကားပဲ ရပါတော့တယ်။ ဒီတော့လည်း ဟိုရောက်ရင် စောင့် မယ်ပေါ့။
ဒီလိုနဲ့ အစပြန်ကောက်ရရင် မိုးတွေ ၀ုန်းဒိုင်းကျဲရွာ၊ မိုးကြိုးတွေပစ်၊ လျှပ်စီးတွေလက်၊ ရေတွေကြီးနေတဲ့ ညနေခင်းလေးထဲမှာ သည်းကြီးမည်းကြီး ရွာနေတဲ့ မိုးတွေကို အံတုရင်း အောင်မင်္ဂလာ အဝေးပြေးဂိတ် ကို ည ၇နာရီခွဲမှာ ချောမောစွာ ရောက်ရှိခဲ့ပါ တယ်။ မိုးတွေကြားမှာပဲ အထုတ်တွေတင် အပြန်လက်မှတ် တခါထဲ ဖြတ်ရင်း ည ၈နာရီမှာ တက်ကြွနေသော ကျွန်မတို့ အဖွဲ့  ဟာ အလွန်ချမ်းလှသော E Lite ကားကြီးဖြင့် မန္တလေးမြို့ သို့  စတင်ထွက်ခွာခဲ့ပါတော့တယ်။
0 comments:
Post a Comment